Universiteti i Gjilanit organizon ceremoninë e parë të diplomimit të studentëve

Gjilan – Me rreth 6000 mijë student, Universiteti “Kadri Zeka” në Gjilan i themeluar me vendimin e Qeverisë së Republikës së Kosovës më datë 6 mars 2013, ndjek përsosmëri në hulumtim dhe mësimdhënie. Të premtën duke filluar nga ora 12:00 në hallën e sporteve “Bashkim Selishta” organizohet Ceremonia e parë e Diplomimit të Studentëve.

Universiteti “Kadri Zeka” përpiqet për të mbështetur cilësinë më të lartë në të gjitha aktivitetet e saj. UKZ në Gjilan, udhëhiqet nga Parimet e Arsimit të Lartë Europian (HEAL) të cilat janë bazë e programeve studimore dhe syllabuseve të të gjitha programeve dhe fakulteteve.

Universiteti “Kadri Zeka” ofron mundësi të shkëlqyera për mësim dhe përbëhet prej katër njësive akademike me shtat programe studim Bachellor të akredituara deri në vitin 2019, dhe dy programe të studimit master, në të cilat studiojnë rreth 6000 studentë

Ndryshe, Universiteti “Kadri Zeka” në Gjilan në studimet baçelor ka Fakultetin e Edukimit programi Fillor dhe Parashkollor, Fakultetin Juridik, Fakultetin Ekonomik në programet Banka Financa dhe Kontabilitet, programin Marketing, programin Menaxhment dhe Fakultetin e Shkencave Kompjuterike, kurse në studimet master ofron programet E-Qeverisja, program ky i përbashkët mes Fakultetit Juridik, Fakultetit Ekonomik dhe Fakultetit të Shkencave Kompjuterike të Universitetit “Kadri Zeka” dhe programin Qeverisja Lokale dhe Shoqëria Demokratike, program i përbashkët me Universitetin “Kadri Zeka” në Gjilan, Universitetin “Ukshin Hoti” në Mitrovicë dhe Universitetin “Haxhi Zeka” në Pejë./rajonipress/