Ulpiana Lama merr“Pasdite në Top Channel”

Është vendosur tashmë. Ulpiana Lama, do të jetë fytyra e re e “Pasdite në Top Channel”. Lajmi, që qarkullonte prej një jave në qarqet mediatike si një thashethem, është konfirmuar së fundmi për “Bluetooth” nga vetë Ulpiana.

“Po, unë marr drejtimin dhe Dori Dako autorësinë e programit. Ndjej që ka një sinergji të fortë mes meje dhe autores, çka besoj do na bëjë t’ia dalim faqebardhë kësaj sfide televizive.

Nuk e kam takuar ende pjesën tjetër të stafit, ndaj për momentin vetëm kaq mund të them”,- është shprehur gazetarja e njohur për suplementin e së shtunës.

“Pasdite në Top Channel”, prej vitesh sjell risi në prezantim dhe përmbajtje. Programi që nisi me prezantimin e shkëlqyer të Arbana Osmanit, ka pasur në këto vite ndryshime autorësh dhe drejtuesish siç ishte Genta Popa, e cila pati jetëgjatësinë më të madhe në këtë post, apo edhe Lira Burgija, e cila drejtoi emisionin gjatë sezonit të fundit.

Ulpiana Lama merr drejtimin e emisionit të “Pasdites” pas një eksperience shumë të mirë që pati sezonin e shkuar si opinioniste në emisionin e të dielës me Alban Dudushin.

Ulpiana Lama, njihet në botën e medias edhe si sociologe e politologe, përveç eksperiencave të saja si gazetare, redaktore e producente programesh. Lama sakaq ka qenë e angazhuar si zëdhënëse dhe këshilltare politike gjatë kohës kur në Kosovë ishte kryeministër Agim Çeku. (Bluetooth)

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).