Uka përkrah dhe voton Isa Mustafën

Ukë Rugova është emër i njohur për opinionin shqiptar në Kosovë e më gjerë.Ai ka qenë emër i përmendur edhe atëherë kur nuk ka qenë pjesë e politikës, ndërkaq është bërë emër i interpretuar në opinion prej se bëri hapat e parë të hyrjes në politikë, shkruan Bota Sot.

Për Ukë Rugovën është shkruar shumë, është folur shumë , në ndërkohë që ai më së paku ka preferuar të flas për vetveten.
Jo se nuk ka pasur cka të thotë por sepse ka preferuar që të mos flas vend e pa vend e ren e pa rend prandaj ka zgjedhur heshtjen si formë të refuzimit politik për të qenë pjesë e përfoljeve politike të ditës.

Saktësisht tre vjet më pas, Ukë Rugova ka vendosur të flas për gazetën dhe për opinion shqiptar.
Mjaftë kanë folur të tjerët për Ukën, tash flet Ukë Rugova për veten, familjen, për LDK-në, për Isa Mustafën, për institucionet e vendit dhe për të ardhmen e tij në skenën politike.

Uka në këtë intervistë shprehet hapur se mes tij, LDK e Isa Mustafa nuk ka pasur asnjëherë “akull”.“Unë kam hyrë në politikë përafërsisht kur Isa Mustafa ka marrë përgjegjësinë që të udhëheq LDK-në.Madje unë dhe “Lista Ibrahim Rugova” kemi qenë alternativë pozitive e zhvillimeve të brendshme në LDK më vitin 2010 në përkrahje të Isa Mustafës” theksoi Ukë Rugova. /Bota sot/