‘Ujqit e vjetër përsëri bashkë’, çfarë po përgatitet në prapaskenë për Kosovën?

E kur është shpërndarë Kuvendi i Kosovës dhe vendi të shkojë në zgjedhje të parakohshme, tashmë shume parti i kanë vendosur njëra-tjetrës vija të kuqe për koalicionet dhe bashkëqeverisjen në të ardhmen. Por sipas analistëve politikë, koha e ka dëshmuar se menjëherë pas zgjedhjeve, ato thyejnë premtimet e tyre dhe bëhen përsëri bashkë. Analistët alarmojnë se mund të përsëritet edhe në këto zgjedhje ky skenar, ku Kosova është në rrezik që përsëri të përfundojë në duart e një koalicioni kriminal dhe zhvatës, siç ishte ky i fundit.

“Përsëri do ta kemi një koalicion servil që mbështet marrëveshjet e Brukselit dhe poashtu një koalicion kriminal, gjegjësisht një koalicion zhvatës që luan bixhoz me kufijtë e shtetit dhe interesin e qytetarëve. “Vijat e kuqe” që i vënë njëra-tjetrës partitë e kriminalizuara, nuk janë gjë tjetër veçse një mashtrim i radhës për qytetarët”, tha Zeqa për “Kosova Sot Online”.

Me 89 pro, 1 kundër dhe 2 abstenim, deputetët e Kuvendit të Kosovës kanë votuar pro shpërndarjes së Kuvendit, duke i hapur kështu rrugë zgjedhjeve të jashtëzakonshme, kjo pas dorëheqjes së Ramush Haradinaj nga pozita e kryeministrit.

E kur është shpërndarë Kuvendi i Kosovës dhe vendi të shkojë në zgjedhje të parakohshme, tashmë shume parti i kanë vendosur njëra-tjetrës vija të kuqe për koalicionet dhe bashkëqeverisjen në të ardhmen. Por sipas analistëve politikë, koha e ka dëshmuar se menjëherë pas zgjedhjeve, ato thyejnë premtimet e tyre dhe bëhen përsëri bashkë. Analistët alarmojnë se mund të përsëritet edhe në këto zgjedhje ky skenar, ku Kosova është në rrezik që përsëri të përfundojë në duart e një koalicioni kriminal dhe zhvatës, siç ishte ky i fundit.

“Edhe zyrtarisht shkoi qeveria e minorancës, por më e madhja e pasluftës e mbipopulluar me militant partiakë, familjarë, kushëri, teze e dajallar, për t’i lëshuar vendin një qeverie të mazhorancës që prioritet ka korrupsionin, krimin e organizuar dhe nepotizmin! Mirëpo, kjo aspak nuk do t’i prish punë bashkësisë ndërkombëtare deri në momentin e arritjes së marrëveshje finale me Serbinë.

Më pastaj mund edhe të ndryshojnë gjërat, mirëpo deri atëherë çdo gjë do të jetë e lejuar në vendin tonë, përveç ndryshimit. Rënia e sinkronizuar e kësaj qeverie është paralajmërim i zgjedhjeve të kurdisura, të cilat do të prodhojnë një qeveri të zgjeruar me aktorë të njëjtë”, thotë analisti politik, Florim Zeqa për “kosova Sot Online”.

Sipas tij, vija e kuqe që i vënë njëra-tjetrës partitë politike, janë vetëm një mashtrim i radhës për qytetarët.

“Pra, përsëri do ta kemi një koalicion servil që mbështet marrëveshjet e Brukselit dhe poashtu një koalicion kriminal, gjegjësisht një koalicion zhvatës që luan bixhoz me kufijtë e shtetit dhe interesin e qytetarëve. “Vijat e kuqe” që i vënë njëra-tjetrës partitë e kriminalizuara, nuk janë gjë tjetër veçse një mashtrim i radhës për qytetarët”, deklaron Zeqa për “Kosova Sot Online”.

Sipas tij,i vetmi ndryshim pas këtyre zgjedhjeve, do të jetë bashkimi në koalicionin kriminal i subjekteve që kanë sunduar në Kosovën e pasluftës.

“Mos arritja e një marrëveshje parazgjedhore mes subjekteve opozitare, e lë të hapur mundësinë e një marrëveshje të fshehtë mes partnerëve të vjetër. “Ujqit e vjetër” do të bëhen përsëri bashkë në zhvatjen e shtetit dhe plaçkitjen e qytetarëve (mërgimtarëve). Edhe pas zgjedhjeve të parakohshme, do të vazhdojë keq-qeverisja, korrupsioni dhe krimi i organizuar, sikurse që do të vazhdojë sundimi i rendit dhe ligjit nga bandat partiake. Qytetarëve që nuk janë pjesë e tyre u mbetën vetëm dy rrugë-të heshtin ose të ikin sa më larg nga Kosova”, përfundon për “Kosova Sot Online”, analisti politik, Florim Zeqa.