Ujkani ka të ardhme te Palermo

Nënkryetari i Palermos, Guglielmo Mischiche, ka thënë se portieri kosovar Samir Ujkani nuk do të largohet nga klubi. Ai ka thënë se Palermo do të jetë me dy portierë, Stefano Sorrentinon e Samir Ujkanin. “Në portë do të jemi me Sorrentinon dhe Ujkanin.

Ata do të jenë dy portierët tanë për sezonin e ri”, ka thënë Micchiche të shtunën, njofton “golsicilia.it”.

Ujkani 25-vjeçar me Palermon ka kontratë deri në qershor të vitit 2014. Palermo do të garojë në Serie B.

Për Ujkanin po interesohen skuadra të ndryshme në Serie A e Serie B të Italisë.