Uji ndihmon në humbjen më të shpejtë të peshës trupore

Pavarësisht nga dieta që keni zgjedhur, nëse konsumoni ujë të mjaftueshëm ju do të shpejtoni rënien nga pesha.

Hulumtuesit gjermanë kanë gjetur edhe dëshmi shkencore sipas të cilave konsumimi i mjaftueshëm i ujit në të vërtetë ndihmon në shkrirjen e kilogramëve.

Sipas tyre, uji përshpejton procesin e djegies së kalorive, duke ndihmuar kështu në rënien më të shpejtë nga pesha.

Gjatë studimit, është vërejtur se pas konsumimit të rreth gjysmë litri ujë, shkalla e djegies së kalorive te meshkujt dhe te femrat është rritur për 30 për qind.

Rritja e shkallës së djegies ka filluar 10 minuta pas konsumimit të ujit, ndërsa kulmi ka arritur pas afro 30 deri në 40 minuta.

Studiuesit po ashtu kanë treguar se kaloritë e shkrira te meshkujt dhe gratë vijnë nga burime të ndryshme. Te meshkujt, djegia e kalorive ishte kryesisht nga yndyrat, derisa te gratë është vërejtur një shkrirje më e madhe e kalorive si rezultat i shkrirjes së karbohidrateve.