“Ujëvara” e Livoqit: Mes bukurisë natyrore dhe frikës për banorët

Gjilan – Një pamje spektakolare u shfaq sot tek penda e Livoqit, një fenomen natyror që mund të krahasohej me ujëvarat më të njohura perëndimore. Sidoqoftë, kjo bukuri e rrallë, që magjepsi çdo kalimtar dhe i ftoi të bëjnë foto dhe video për t’i shpërndarë në rrjetet sociale, nuk e fsheh shqetësimin e banorëve që jetojnë pranë saj.

Penda e Livoqit sot dukej si një “Niagara” lokale, me ujë që rridhte me zë të fuqishëm dhe një pamje tërheqëse që ngjallte habi dhe admirim. Por, pas këtij bukuri të jashtëzakonshme, fshihet edhe shqetësimi.

Banorët e zonës ndihen të pasigurt, pasi reshjet e pandërprera të dy ditëve të fundit kanë sjellë akumulim të madh uji, duke rritur rrezikun për ambientin dhe pronat përreth.

Ndërsa për vizitorët dhe kalimtarët kjo ishte një mundësi për argëtim dhe fotografi, për komunitetin lokal kjo “ujëvarë e përkohshme” sjell pasiguri dhe frikë. Një kontrast mes magjisë natyrore dhe realitetit të vështirë të jetës pranë lumenjve të uritur nga reshjet e mëdha.

Pamja e Livoqit sot është një kujtesë e fuqisë së natyrës: bukuri që të mahnit dhe paralajmërim që të respektojmë forcat e saj./rajonipress/