Ujë DEA pranë marshit “Liria ka emër”: “Liria ka emër, ne jemi pranë”

Gjilan – Në ditën kur vëmendja publike është përqendruar te procesi gjyqësor në Hagë dhe pritjet për vendimin lidhur me ish-presidentin e Kosovës, Hashim Thaçi, qytetarët do të mblidhen të shtunën në marshin për liri “Liria ka emër”. Në mbështetje të pjesëmarrësve, Ujë DEA do të jetë pranë marshit, duke ofruar ujë falas për të gjithë ata që do t’i bashkohen kësaj ngjarjeje.

Me mesazhin “Liria ka emër – ne jemi pranë”, Ujë DEA e lidh praninë e saj me një moment të rëndësishëm për opinionin publik, duke përcjellë një mesazh solidariteti dhe mbështetjeje.

“Bashkë, për çdo kauzë, gjithmonë!” është thirrja e fushatës, përmes së cilës Ujë DEA synon të jetë pranë qytetarëve edhe në momente me rëndësi të veçantë shoqërore.

Të shtunën, më 12 shtator, Ujë DEA pranë jush. Ujë falas për pjesëmarrësit e marshit “Liria ka emër”./rajonipress/