”Ujë Dea” ndër produktet e pakta në Evropë dhe furnizues i forcave të NATO-s

Gjilan – Auditorët e ushtrisë Amerikane për mbrojtje dhe siguri të ushqimit në Europë dhe Afrikë inspektuan fabrikën e Ujë Dea. Vlen të theksohet se Ujë Dea është ndër produktet e pakta në Evropë dhe Botë që lejohet të furnizojë me ujë forcat e NATO-s dhe të gjitha bazat amerikane në Evropë dhe Afrikë.

Auditorët e ushtrisë amerikane inspektuan për herë të dytë gjatë vitit 2017 fabrikën e “Ujë Dea”, me ç’rast panë infrastrukturën dhe zhvillimin e punës e cila bëhet në prodhim.

Kjo vizitë është kryer me qëllim që të shihet mënyra e furnizimit me ujë e cila bëhet në të gjitha bazat amerikane në Evropë dhe Afrikë, si dhe mënyra e trajtimit të ujit të ambalazhuar brenda këtij impianti, ku përfaqësuesit e kompanisë Adea Group, të angazhuar për furnizim me ujë, kanë sqaruar në detaje lidhur me procesin teknologjik të marrjes dhe përpunimit të ujit duke i sjellë në këtë fabrikë tash e dhjetë vite të gjitha standardet e kërkuara nga ushtria amerikane, teksa ata dhanë shpjegime edhe për rritjen e rrjetit të shpërndarjes në Gjermani dhe Zvicër për konsumatorët tanë atje, gjithashtu u përfshi edhe kontrolli i procesit të përcjelljes së ujit deri tek përdoruesit.

Kjo vizitë pati një rëndësi të veçantë për të gjithë pjesëmarrësit pasi që, për së afërmi u informuan lidhur me sistemin e furnizimit me ujë dhe me trajtimin e ujë Dea nga ekspertët laboratorik të punësuar nga kompania jonë duke përfshirë infrastrukturën, logjistikën dhe tërë sistemin e fabrikës Dea, e po ashtu u njoftuan edhe me aspektin shoqëror se si zhvillohet puna në atë ambient.

Vlen të theksohet se Ujë Dea është ndër produktet e pakta në Evropë dhe Botë që lejohet të furnizojë me ujë forcat e NATO-s dhe të gjitha bazat amerikane në Evropë dhe Afrikë thuhet në njoftimin e kompanisë “Adea Group”./rajonipress/