Udhëheqja e Vitisë e kënaqur me raportin e auditorit të jashtëm

Gjilan – Kryetari i Komunës së Vitisë duke folur rreth rëndësisë së këtij raporti në punën e Institucioneve Komunale të Vitisë tha se nëse bëhet një krahasim i raporteve të më hershëm, shihet se ky raport është më pozitiv.

Në mbledhjen e djeshme të Këshillit të Drejtorëve është diskutuar rreth pasqyrave financiare dhe rreth Raportit të Auditorit të Jashtëm, raport ky i cili nga ana e ekzekutivit është cilësuar si pozitiv pasi në raportin e auditorit të jashtëm janë dhënë vetëm disa rekomandime .

Drejtorët e Drejtorive u zotuan se do të punojnë ngushtë në mes tyre për të inkorporuar rekomandimet e dhëna nga Auditori i Jashtëm me qëllim që sistemi i shfrytëzimit të parasë publike të përmirësohet edhe më tej.

Kryetari i Komunës së Vitisë duke folur rreth rëndësisë së këtij raporti në punën e Institucioneve Komunale të Vitisë tha se nëse bëhet një krahasim i raporteve të më hershëm, ky raport është pozitiv.

Por sipas tij rekomandimet e dhëna duhet të inkorporohen me qëllim që të përmirësohet sistemi i shfrytëzimit të parasë publike dhe atë duke respektuar ligjet në fuqi. “Sipas mendimit tim ka vend për përmirësime edhe pse nëse këtë raport e krahasojmë me vitet e shkuara është më i mirë, gjithashtu ky raport nuk paraqet as rrezikueshmerinë e mesme e as të lartë” u shpreh Arifi.

Arifi ka ftuar Komisionin e auditimit brenda Kuvendit Komunal që ta analizoj këtë raport dhe të jep një vlerësim profesional lidhur me këtë. Ndërsa Kryetarja e Komisionit të Auditimit Kadire Ukshini theksoi se ky komision nuk ka qenë shumë aktiv dhe atë sipas saj për arsyeje të ndryshme ,si mungesa e mjeteve financiare, mungesa e kohës nga ana e anëtarëve etj.

Ajo ju bëri thirrje drejtorëve që t`i marrin parasysh këto rekomandime pasi këto janë në interes të qytetarëve, por edhe të gjithë Komunës në përgjithësi. Drejtori i Ekonomisë dhe Financave Islam Jashari dhe Auditori i Brendshëm Fevzi Mehmeti sugjeruan që komuna të bëjë një plan veprimi me qëllim që të implementohen rekomandimet e dhëna duke arsyetuar propozimin e tyre se kjo përmirëson sistemin e shfrytëzimit të parasë publike të qytetarëve dhe njëherit është edhe obligim që buron nga ligji.

Gjatë këtij takimi Kryetari i Komunës Nexhmedin Arifi së bashku me stafin e tij shqyrtuan rekomandimet e dhëna duke shikuar mundësitë e inkorporimit të këtyre rekomandimeve. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).