U miratua Rezoluta për Luginën

Prishtinë – Ligjvënësit e Kosovës miratuan sot Rezolutën me të cilën u jepet mbështetje shqiptarëve të Luginës së Preshevës në përpjekjet e tyre për realizimin e të drejtave që u përkasin në përputhje me konventat ndërkombëtare. Për tekstin e Rezolutës votuan 74 nga 78 deputetët e pranishëm në seancën e sotshme të Kuvendit të Kosovës, kurse katër ishin kundër.

Rezoluta ishte shtyrë për seancën e sotshme nga mbledhja e kaluar, kur mungoi numri i nevojshëm i deputetëve për ta fuqizuar këtë dokument domethënës, që shkaktoi dëshpërim ndër bashkëkombësit tanë Luginës.

Me Rezolutë Haziri ka kërkuar nga Kuvendi që të obligojë Qeverinë e Kosovës të hapë një zyre në Prishtinë dhe në Gjilan për qytetarët e Preshevës, Bujanocit dhe Medvegjës me qëllim mbrojtjen dhe përmirësimin e gjendjes së tyre në Luginë dhe atyre të cilët janë shpërngulur nga atje.

Po ashtu kërkohet që të rritet edhe bashkëpunimi në mes të institucioneve të Kosovës dhe përfaqësueseve të shqiptareve të Preshevës, Bujanocit dhe Medvegjës në përputhje me vullnetin e shprehur në referendum për të drejtën e bashkëngjitjes me Kosovë. Ndër të tjera kërkohen lehtësira për lëvizjen e lirë të shqiptarëve në të dy anët e kufirit, në dyshtetësinë, shkollimin, njohjen e diplomave.(koha)