Toski vazhdon kontratën me FSV Frankfurtin

Faton Toski do të mbetet pjesë e FSV Frankfurtit edhe në sezonin e ardhshëm. Mesfushori i Përfaqësueses së Kosovës , ka vazhduar kontratën deri në vitin 2015.

Lajmi bëhet i ditur nga drejtori sportive i Frankfurtit, Uwe Stoever. “Faton Toski është një lojtar që ka dhunti dhe kualitete të mira. Ne jemi të lumtur që ai ka zgjedhur të luaj edhe për një sezon me Frankfurtin”, tha Stoever.

I lumtur me vazhdimin është shprehur edhe Toski. “Në sezonin e ardhshëm, besoj se do të jem edhe më i përgatitur dhe besoj se do të arrijmë qëllimin tonë”, u shpreh Toski, i cili në Frankfurt erdhi në janar të këtij viti.