Topi arriti për vizitë dyditëshe në Kosovë

Presidenti i Shqipërisë, Bamir Topi, arrti të premten për një vizitë dyditëshe në Kosovë. Para Kuvendit të Kosovës kryetarin e Shqipërisë e priti presidentja e vendit Atifete Jahjaga.

Presidentja Jahjaga dhe presidenti Topi kanë sapo kanë parakaluar para Gardës së Nderit të Forcës së Sigurisë së Kosovës.
Pos presidentes Jahjaga, Topi do të ketë bisedime edhe me kryetarin e Kuvendit të Kosovës, Jakup Krasniqi, zëvendëskryeministrat Behxhet Pacolli dhe Sllobodan Petrovic dhe me kryetarin e Prishtinës, Isa Mustafa.

Ai do të marrë pjesë edhe në seancën solemne të Kuvendit të Kosovës.

Topin do të bëjë homazhe te varri i ish-presidentit të Kosovës, Ibrahim Rugova, te kompleksi i Jasharajve në Prekaz dhe te kompleksi në Gllogjan. Para largimit, Topi do të vizitoj edhe qytetin e Gjakovës.

Presidentit Topi ka ardhur në Kosovë disa ditë para se t’i skadojë mandati presidencial. /Telegrafi/