Topanica kërkon më shumë investime në infrastrukturë

Kamenicë – Drejtoria për Buxhet dhe Financa në bashkëpunim me Grupin e Grave filluan me mbajtjen e dëgjimeve publike nëpër lokalitete për buxhetin 2018-2020.

Dëgjimi publik i radhës është mbajtur në fshatin Topanicë, me ç’rast janë marrë edhe opinionet dhe kërkesat e qytetarëve të këtij lokaliteti.

Drejtoresha për Buxhet dhe Financa, Shejnaze Masurica prezantoi para banorëve të këtij fshati buxhetin e planifikuar për vitin 2018-2020 dhe kërkoi nga ata që të paraqesin ato kërkesa që kanë më shumë nevojë banorët e fshatit Topanicë, duke u premtuar se ato kërkesa me prioritet më të madh do të mirën parasysh.

Me këtë rast kërkesat nga ta ishin nga më të ndryshmet, si dhe nuk munguan as pakënaqësitë e tyre që ata i shprehen në mos kryerjen e disa prej projekteve.

Si prioritete kryesore dhe primare banorët e fshatit Topanicë i paraqiten: Renovimin e shkollës, Rregullimin e trotuareve, Ndriçimin publik në lagjen e Epërme, Rregullimin e zyrës për Bashkësinë Lokale, Rregullimin e fushës së sportit, etj./rajonipress/