Topalli e Bajrami akuzojnë Isa Mustafën

Topalli- Mustafës: Premtove parajsë, po sjell ferr.Bajrami, Mustafës: Si delegacion ishit shumë të dobët në bisedimet me Serbinë

Deputeti i Lëvizjes Vetëvendosje, Faton Topalli ka kërkuar nga Qeveria e Kosovës që të zbatojë Ligjin për kategoritë e dala nga lufta, të zbatojë Ligjin për sigurimet shëndetësore, si dhe t’u mundësojë që të rinjtë të kenë një perspektivë të sigurt.

“Ju fituat garën politike por nuk keni të drejt të shisni Kosovën”, ka thënë ai.

Këtu reagoi Ismet Beqiri i LDK-së, duke thënë i thënë kryetarit të Kuvendit, Kadri Veselit që të mos lejojë të shkelet Rregullorja e Kuvendit, duke mos e dituar a po flet në emër të Grupit parlamentar të VV-së apo jo dhe duke bërë propagandë politike.

Bajrami, Mustafës: Si delegacion ishit shumë të dobët në bisedimet me Serbinë

Seanca e Kuvendit të Kosovës ka filluar me shqyrtimin e projektligjeve. Ndërkohë, Valdete Bajrami nga Nisma për Kosovën ka akuzuar kryeministrin dhe zëvendëskryeministrin për mos transparencë sa i përket bisedimeve në Bruksel.

Ajo iu drejtua kryeministrit Isa Mustafa dhe ministrit të Jashtëm, Hashim Thaçi për marrëveshjet në Bruksel, duke thënë se është koha të ‘kfillen’ ose të largohen.

“Kujt duhet t’i besojnë nëse ju i ikni kamerave. Pse askush nuk po e pranon që si delegacion ishit shumë të dobët dhe se e keni obligim të na tregoni se për çka keni biseduar”, tha Bajrami./telegrafi/