Tmerr: Kryefamiljari përdhunon të bijën 13 vjeç

Nënë e bijë që të dyja shqiptare me banim në Rimini të Italisë, u paraqitën në polici për të denoncuar një histori të rëndë abuzimesh.

Mes lotësh vajza rrëfeu abuzimet neveritëse të të atit, të nisura para 3 vjetësh dhe të kulmuara 1 vit më parë me përdhunim të mirëfilltë prej tij.

Që nga ai moment sa herë që babai qëndronte vetëm me vajzën 13 vjeçare, përfitonte nga situata dhe e përdhunonte nën kërcënimin, “Nëse thua ndonjë gjë, do pendohesh për gjithë jetën”.

Më në fund kur durimi iu sos dhe dhimbjet bën të vetëm, mes lotësh vajza e mitur i kërkoi të ëmës të mos shkonte në punë për të mos e lënë vetëm me babanë.

Në atë moment siç raporton noa.al gruaja pyeti vajzën se çfarë kishte ndodhur, kur mësoi se e bija ishte përdhunuar në mënyrë sistematike, sa herë që ndodhej vetëm me të atin.

Pas denoncimit të këtij rasti, policia u vu në veprim ku brenda ditës vuri në pranga kryefamiljarin 37 vjeçar, i cili punonte në ndërtim.