Tifozët të lumtur me rikthimin e Januzajt te United

Adnan Januzaj do të rikthehet brenda këtij muaji te Manchester United.Kështu së paku raportojnë mediat britanike, të cilat thonë se Borussia Dortmund ka pranuar kërkesën e Djajve të Kuq

Mesfushori me tipare sulmuese vetëm gjashtë herë ka luajtur në Bundesliga, përkatësisht ka qëndruar vetëm 156 minuta në fushën e blertë, transmeton Telegrafi.

Por, lajmin për rikthimin Januzajt te United e kanë pritur një numër i madh i tifozëve të klubit nga Old Trafford.

Këta të fundit nëpër rrjetet sociale kanë shkruar “Mirësevjen Januzaj”, “Po kthehesh në shtëpi”, etj.

Kujtojmë se aventura e reprezentuesit belg në ligën elitare gjermane do të jetë e shkurt, pasi që ai në radhët e milionerëve kaloi në formë të huazimit. /Telegrafi/