Themelimi i tribunalit për krimet serbe të bëhet përmes ligjit

Kryetari i Organizatës së Veteranëve të Luftës së Ushtrisë Çlirimtare të Kosovës (OVL-UÇK), Hysni Gucati, ka vlerësuar se institucionet shtetërore janë vonuar sa i përket themelimit të tribunalit për krimet serbe në Kosovë.

Ai ka thënë se themelimi i këtij tribunali duhet të bëhet përmes ligjit dhe jo përmes rezolutës.

Në këtë intervistë dhënë për gazetën “Epoka e re”, Gucati u ka bërë thirrje ambasadave të vendeve të Quintit që ta mbështesin Kosovën në këtë rrugëtim.

Ai ka thënë se ka ardhur koha që Serbia të ndëshkohet për të gjitha krimet e kryera gjatë luftës në Kosovë.

Sipas Gucatit, nuk do të mund të ketë pajtim ndërmjet dy vendeve përderisa Serbia nuk kërkon falje për krimet dhe gjenocidin e kryer në Kosovë.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).