The Telegraph: Januzaj mund të refuzoj “Brazili 2014” për Shqipërinë

Përveç shqiptarëve e belgëve, edhe anglezët po i kushtojnë vëmendje të madhe Adnan Januzajt, i cili ende nuk ka vendosur se për cilën përfaqësueses do të luaj, Shqipërinë apo Belgjikën.

Por, sipas të përditshmes britanike The Telegraph, Adnan Januzaj mund të refuzojë shansin për të luajtur me Belgjikë verën e ardhshme në Kampionatin botëror ‘Brazili 2014’, vetëm për t’i mbetur besnik Shqipërisë.

Pavarësisht përpjekjeve nga Federata e Futbollit e Belgjikës për të bindur Januzajn, ky i fundit deri tani ka refuzuar të pranoj ftesën e belgeve, vetëm për të pasur më shume kohë për të vendosur për të ardhmes së tij, raporton e përditshmja britanike.

“Përfaqësuesit Januzaj e kanë bërë të qartë që 18-vjeçari nuk është i gatshëm që të angazhohet për një ekip ndërkombëtar, por kjo kuptohet se miqtë dhe familja e tij janë duke i bërë thirrje atij për të zgjedhur Shqipërinë”, shkruan The Telegraf.

Januzaj, i cili bëri debutimin e tij në Premierligë me Manchester United kundër Crystal Palace të shtunën e kaluar, ka mundësi të luaj për disa përfaqësuese.

Sipas The Telegraph, përveç Belgjikës dhe Shqipërisë, Jaunuzaj mund të luaj edhe për Kosovë, Serbinë dhe Turqinë.