Thaçi: Vizat po vijnë

Kryeministri i Kosovës, Hashim Thaçi ka thënë se Kosova ka përmbushur kriteret dhe kushtet përfundimtare për nënshkrimin e MSA-së, dhe procesin e liberalizimit të vizave. Ai këto i ka thënë në një status në Facebook, rreth pritjes së Raportit të Progresit të BE-së.

Ja statusi i plotë:

Kosova mirëpret Raportin e Progresit të BE-së për procesin e integrimeve europiane. Presim që ky raport të jetë një reflektim real i një viti intensiv dhe të konfirmon sukseset në procesin e përmbushjeve të kushteve përfundimtare për nënshkrim të MSA-së dhe procesin e liberalizimi të vizave. Pervec kësaj, një sukses tjetër i Kosovës janë edhe organizimi më i mirë i zgjedhjeve që nga koha e pasluftës por edhe puna efikase në dialogun ndër-shtetëror për normalizimin e marrëdhënieve ndërmjet Kosovës dhe Serbisë.

Natyrisht, sfidat që mbeten do të adresohen me seriozitetin më të madh nga institucionet e reja të Kosovës të cilat duhet të formohen sa më shpejt. Kosova është në rrugë të mbarë për të ecur përpara drejt integrimeve Euro-Atlantike sepse ky është vullneti i qytetarëve të Kosovës dhe i të gjitha partive politike kryesore në vend. HTH