Thaçi nuk dorëzohet para skandaleve

Aferat korruptive, epiteti i qeverisë së hajnave, përplasjet brenda PDK=së, përgjimët e fundit skandaloze nuk do të ndikojnë që kryeministri Hashim Thaçi të tërhiqet nga pozita aktuale dje të marrë drejtimin e Presidencës.

Pavarësisht se ditëve të fundit është folur shumë për mundësinë e ndryshimeve në qeveri, me hyrjen n koalicion të dy partive të dala nga lufta, PDK-së dhe AAK-së me kusht që Ramush Haradinaj të marrë “timonin” e qeverisë, analistët politikë konsiderojnë se nuk do të ketë ndryshime në kabinetin qeveritar.

Njohësi i rrethanave politike Avni Zogiani thotë se të gjitha pohimet për një koalicion të mundshëm në mes të PDK-së dhe AAK-së, kanë qenë thjesht një trik.
“Është menduar se me kthimin e Ramush Haradinajt nga Tribunali i Hagës, opozita në Kosovë do të jetë më e fortë. Prandaj ky ka qenë një trik për ofrimin e AAK-së, sepse partia e kryeministrit Thaçi asnjëherë nuk ka deklaruar se do të arihet ndonjë marrëveshje për pozitën e kryeministrit, sikurse as nuk e ka mohuar” thotë Zogiani për “Zëri”.

Edhe njohësi tjetër politik Nexhmedin Spahiu, thotë se të gjitha skandalet në qeverinë e kryeministrit kosovar janë rezultat normal i një pune të përgjegjshme të qeverisjes në vend.

“Nuk besoj se kryeministri do të lëshojë këtë pozitë, të paktën derisa të përfundojnë bisedimet me Serbinë”, thotë Spahiu.

Shpërndaje.
© RAJONIPRESS