Kryeministri i Kosovës Hashim Thaçi, theksoi se nota verbale e shtetit të Malit ekziston. Thaçi në një konferencë për shtyp, theksoi se ai e kishte në duar procesverbalin e shtetit të Malit, të nënshkruar nga vetë Presidenti.
“I pari i cili më ka informuar ka qenë ministri i jashtëm Enver Hoxhaj, për njohjen nga shteti i Malit gjatë qëndrimit tonë të përbashkët në Nju Jork, kam vërejtur notën verbale të nënshkruar nga presidenti i Malit, ndërsa deklarimet e mëvonshme nga personalitete të Malit janë në përgjegjësinë e tyre, por nota verbale është e nënshkruar nga presidenti dhe këtë notë verbale e kamë parë dhe lexuar edhe vetë”, ka thënë kryeministri Thaçi.
Kryeministri i Kosovës, ka deklaruar se fjalët për të cilat është thënë se Mali nuk e ka njohur Kosovën, janë spekulime, transmeton Indeksonline.
