Thaçi : Në Londër do të fitojnë shqiptarët

Kryeministri i Kosovës, Hashim Thaçi duke folur ekskluzivisht për Radio Dukagjinin lidhur me pjesëmarrjen e sportistes kosovare, Majlinda Kelmendi në Lojërat Olimpike, ka thënë se kjo është ngjarje shumë e veçantë dhe shumë emocionuese.

Thaçi duke i uruar sukses sportistes kosovare, ka premtuar mbështetje të fuqishme si personale ashtu edhe institucionale, për Majlindën.

“Në këto lojëra kemi veç Majlindën por në lojërat e ardhshme olimpike do të ketë edhe sportist tjerë kosovar”, është shprehur me plot besim kryeministri Thaçi.

Kryeministri ka shtuar se është nder dhe privilegj i madh që në mesin e 230 delegacioneve të shteteve të ndryshme të botës, për të parën herë në Lojëra Olimpike të jetë edhe delegacioni shtetëror i Kosovës.

“Shpresojmë se të dielën do të fitojë Majlinda, Shqipëria, Kosova dhe të gjithë shqiptarët”, ka thënë Hashim Thaçi.