Thaçi: Mbështetja për Mustafën vërtet shumë e madhe në Dardani

Gjilan – Kryeministri i Republikës së Kosovës Hashim Thaçi, së bashku me kryetarin Qemajl Mustafa dhe me udhëheqës e kandidat nga Partia Demokratike e Kosovës në Gjilan, pasi kanë vizituar disa nga bizneset në lagjen Dardania ka thënë se mbështetja për kryetarin Mustafa është vërtet shumë e madhe dhe sipas tij kjo është mbështetje e fitores së PDK-së edhe për mandatin e tretë katër vjeçar.

Me këtë rast në prononcimin për media ai shkurtimisht ka falënderuar qytetarët e Komunës së Gjilanit dhe posaçërisht ata të lagjes dardania për disponimin shumë të mirë dhe në favor për kryetarin Mustafa.

Ai shprehu bindjen se fitorja e kryetarit Mustafa është e sigurt. Kryetarit Mustafa po i japin mbështetje të gjithë bazuar në punën e mirë të bërë për Gjilanin gjatë qeverisjes së tij.

Ndërsa kryetari Qemajl Mustafa, ka thënë se kjo mbështetje e kryeministrit Thaçi dhe e qytetarëve të Gjilanit është mbështetje e së mirës dhe ndihmë e vazhdueshme edhe për mandatin e ardhshëm katër vjeçar. Do të ndodhin investime të mëdha për Gjilanin. Andaj kërkoj mbështetjen e qytetarëve gjilanas që të votojnë për PDK-në sepse është partia më e sinqertë me ta në qeverisjen katër vjeçare thuhet në njoftimin e degës së PDK-së në Gjilan./rajonipress/