Thaçi: Liderët të ngrihen mbi interesat e ngushta

Pas publikimit të vendimit të Gjykatës Kushtetuese e cila doli në favor të PDK-së, ka shkruar edhe Hashim Thaçi. Ai në një shënim në Facebook ka ftuar liderët e partive tjera që të ngrihen siç ka thënë ai mbi interesat partiake e të ngushta.

Ja postimi i plotë i Hashim Thaçit, në rrjetin social “Facebook”:

Tani le të punojmë bashkarisht për të implementuar rezultatin e zgjedhjeve nacionale të 8 qershorit.PDK si fituese e këtyre zgjedhjeve do të punojë me vullnetin gjeneroz dhe frymën mirëkuptuese me spektrin politik kosovar.Sot është momenti që secili lider dhe secila parti të ngrihet mbi interesat e ngushta në interes të shtetit dhe gjithë shoqërisë.

Të ndërtojmë pa humbur kohë institucione të qëndrueshme me bazë sa më të gjerë.Publikimi i vendimit të sotshëm të Gjykatës Kushtetuese ka sqaruar qartë se si duhet të vijojë procesi i ndërtimit të institucioneve në përputhje me ligjet dhe Kushtetutën e Kosovës. HTH.