Thaçi: Kosova është me fat për përkrahjen ndërkombëtare

Ministri i Jashtëm i Kosovës, Hashim Thaçi, ka zhvillluar një takim përshendetës të fundvitit me Ambasadorët dhe Shefat e Misioneve diplomatike të akredituara në Kosovë, në të cilin thotë se ka shpalosur prioritetet kryesore të marrëdhënieve të jashtme të Kosovës për periudhën e ardhshme.

“Patëm një diskutim të mirë ku mbuluam cështjet kryesore nga dialogu me Serbinë deri tek anëtarësimi i Kosovës në Këshillin e Europës, krijimi i Forcave të Armatosura të Kosovës dhe nënshkrimi i MSA-së. Kosova ka fatin të ketë një kor shumë miqësor dhe shumë përkrahës për synimet diplomatike të Kosovës. HTH”, ka shkruar Thaçi në facebook./Indeksonline