Thaçi: Koalicioni është i shkëlqyshëm,nuk dua partnerë të tjerë

Kryeministri i Kosovës, Hashim Thaçi në një prononcim ekskluziv për RTK-në ka deklaruar se bashkëpunimi i tij me partnerë të koalicionit është i shkëlqyeshëm.

Koalicioni aktual, tha kryeministri është shumë stabil, funksional dhe mirëqeverisjes.

“Të gjitha spekulimet mediatike janë të paqëndrueshme. Ky koalicion po e përmbushë me sukses mandatin për Kosovën evropiane”, theksoi ai.

Kryeministri Thaçi e bëri këtë deklaratë në dritë të komenteve e artikujve në media të ndryshme të cilat po japin versione për formimin e një qeverie me partnerë të rinj të koalicionit, duke lakuar në këtë rast subjektet LDK e AAK.

Kreu i qeverisë iu përgjigj këtyre parashikimeve duke e bërë të qartë se nuk ka plane për rikonfigurim të qeverisë me partnerë të tjerë të koalicionit.

Shpërndaje.
© RAJONIPRESS