Thaçi: Ftesa për dialog me opozitën të pranohet pa kushte

Zëvendëskryeministri i Kosovës, Hashim Thaçi thotë se partitë opozitare duhet ta pranojnë ftesën për dialog dhe se vetëm përmes dialogut mund të gjendet zgjidhja për situatën e krijuar.

Ministri i Jashtëm, në një prononcim për RTV 21, tha se Qeveria nuk e ka ndërmend të pranojë dialog me kushte.

“Janë disa rregulla në politikë që dialogu nuk bëhet me kushte por dialogu bëhet me vullnet të mirë dhe përgjegjësi kushtetuese ligjore dhe politike dhe çdo vullnet i mirë do të respektohet nga ana e Qeverisë prej kujtdo qoftë”, ka thënë Thaçi.

Ai theksoi se ftesa është që të ndërpriten veprimet që nuk janë në traditën, as si qytetarë të Kosovës, as të politikës kosovare të këtyre 15-16 viteve të demokracisë, “prandaj mendoj që ka hapësirë që të gjithë ta dhënë kontributin e tyre dhe të bëjnë një vështrim të këtij procesi”.

http://koha.net/?id=27&l=88727