Thaçi beson në zgjedhje korrekte në gjithë vendin
Kryeministri i Kosovës Hashim Thaçi ka falënderuar gjithë spektrin politik për fushatën zgjedhore. Ai tha se për herë të parë zgjedhjet lokale janë organizuar në tërë territorin e Kosovës, derisa ka uruar fituesit e raundit të parë dhe ka ftuar kandidatët në balotazh që edhe sot në ditën e fundit elektorale të zhvillojnë fushat të qetë dhe të konkurrencës.
Thaçi tha se Kosova do të dërgojë mesazhin më të mirë te bashkësia ndërkombëtare për organizim të zgjedhjeve fer dhe të lira.
Ai tha se beson që edhe në veri të vendit do të zhvillohen zgjedhje korrekte, të lira dhe pas 1 dhjetorit edhe ajo pjesë do të ketë liderët legjitim të tyre. /Telegrafi/