Thaçi: Ata që reaguan ndaj dekorimit të Rugovës, ish-presidentin e kanë parë vetëm në fotografi

Presidenti Hashim Thaçi ka folur rreth kritikave që iu bënë lidhur me dekorimin e ish-presidentit të ndjerë, Ibrahim Rugova, me Medaljen Presidenciale Jubilare të Dhjetëvjetorit të Pavarësisë.
Thaçi ka thënë në RTV Dukagjini se kritikat kanë ardhur nga ata të cilët ish-presidentin Rugova e kanë parë vetëm në fotografi apo televizion.

“Familja Rugova e ka vlerësimin tim maksimal për rolin e tyre shtet-formues. Presidenti Rugova dhe të tjerët nuk e meritojnë të përmenden vetëm në periudha të fushatave zgjedhore, reagimet i kam përcjell kanë qenë kryesisht të njerëzve që presidentin Rugova e kanë parë vetëm në fotografi apo televizion dhe kurrë në jetën e tyre nuk e kanë njohur”, ka thënë presidenti Thaçi, përcjell Telegrafi.

Presidenti ka sqaruar se nuk ka qenë organizator i ekspozitës ‘Kontributi i Presidentit Historik Dr.Ibrahim Rugova në shtet formimin e Kosovës’.

“Unë e kom përkrah ekspozitën por nuk kam qenë organizator kam qenë i ftuar dhe kam shkuar me mbajt fjalën dhe jam ndjerë mirë. Askush nuk mund ta mohoj rolin e Rugovës”, tha Thaçi.