Teutë, mos të paçin hije, as emri jyt, as veprimet tua

Nga Gani Sadiku – Teutë, unë do ta kuptoja çdo pakënaqësi që do të mund ta kishe ti, brenda LDK-së.! Do ta akceptoja çdo iniciativë për të bërë ndonjë ndryshim apo reformë brenda partisë, sepse jeni familja më e shenjt në Kosovë.

Unë do të isha i lumtur sikur vota juaj të ishte ndryshimi të cilin populli dhe qytetari po e kërkon prej se klasa që ju po e përkrahni, ka ardhur në pushtet.
Do të gëzohesha shumë sikur veprimet tuaj, t’ia lehtësonin dhimbjet dhe vuajtjet popullit më të varfër që vuan për kafshatën e gojës.

Këtë varfëri dhe katrahurë, popullit ia solli pikërisht kjo klasë politike për të cilën ju sot e ngritët dorën por e ulët kokën e turpëruar.!
Të tillë ju konsideruam për hirë të papërsëritshmit Ibrahim Rugova.
Po ja pse më zhgënjeve, si votues dhe si qytetarë:!

Me votën tuaj, ti nuk po ban ndryshime por po futesh në radhët e krimit.
Sepse njëjtë sikur vëllau i juaj Uka, ke rënë në duar të banditëve e kriminelëve ordinerë.
E përulët shejtërinë e familjes suaj, përhirë të interesave tuaja meskine klanore e grupore.
E pretë në besë votuesin tuaj i cili të votoi, jo se e ke ba namin në mandatin e parë, por se donte në mënyrën me civilizuese ta përfaqësoje shejtërinë Rugova.
Teutë, a ke harruar që pikërisht udhëheqësit e PAN-it, të sotëm, disa herë deshën ta likuidojnë babain tënd.?

A ke harruar që udhëheqësit e NISMA-s, së sotme, e shpallën tradhtar dhe bashkëpunëtor të Millosheviçit, duke kërkuar ashiçare kokën e Ibrahim Rugovës, në kohën kur atëdheu po digjej flakë nga të katër anët.?
A ke harruar, që të njejtit njerëz të cilët po i përkrahë ti, në Prishtinë në mesditë bënë atentat mbi babain tuaj.?

A harrove he mos të pastë hije.!
Votat i more nga ne që e duam LDK-në, për t’na përfaqësuar e jo për t’na tradhëtuar.!
Historia ka me të hudhë në koshin e plehërave, bashkë me hajnat e matrapazët që me votat tona dhe me autoritetin e babait tënd, sot ti po u del krah.!
Ti po dhijen në “kalanicën” në të cilën ngrëne bukë deri djeh.