Teuta Kurti, myslimane e devotshme

Pavarësisht se kanë shumë angazhime në profesionin e tyre, edhe personalitet publike i kushtojnë rëndësi besimit dhe obligimeve fetare.

E përkushtuar ndaj fesë është edhe këngëtarja e njohur nga Kosova, Teuta Kurti, e cila përveç agjërimit të Ramazanit i kryen edhe ritet fetare.
“Agjërimin e Ramazanit e kam mbajtur përherë që në moshën e adoleshencës, ndonëse për mua ky muaj është muaji më i bekuar dhe më i adhuruar,” transmeton KJ të ketë thënë Teuta në një intervistë.

“Këtë përkushtim e kam nga familja ime e cila i përkushtohet fesë sonë myslimane dhe unë e trashëgoj nga ta. Fatmirësisht edhe familja e bashkëshortit është e dhënë pas fesë dhe kështu që jam e lumtur për këtë fakt. Unë përveç që agjëroj i kryej edhe ritet fetare siç është falja e namazit dhe thënë të vërtetën ndjehem shumë mirë shpirtërisht kur kryej obligimet fetare ndaj Allahut”, ka përfunduar ajo. /Indeksonline/