Testi i arritshmërisë u përcoll me defekte

Nga Behlul Hajdari – Më 28 qershor pata radhën sikur edhe shokët e mi t`i nënshtrohem testit të arritshmërisë. Test, ky i cili vit pas viti vetëm se po i shtohen parregullsitë, e bile unë mendoj se po i shtohen edhe gabimet në formulimin e pyetjeve. E nëse kjo e fundit ju hamendëson si jo e vërtetë ose si paaftësi e imja për t`i kuptuar pyetjet, atëherë ; pse asnjëri nga dy anëtaret e komisionit nuk arritën të më sqaronin mase 10 pyetje që s’mund t`i kuptonim asnjëri në klasën time.

Ndërsa parregullsitë fatkeqësisht sikur edhe viteve tjera ( po bazohem në fjalët e gjeneratave të kaluara) ekzistuan edhe këtë vit. Si parregullsi po e llogaris kopjimin gjatë testit, gjë që fatmirësisht apo fatkeqësisht nuk u lejua nga anëtarët e komisionit në klasën time.

Por kjo gjë nuk ndodhi edhe në klasët e tjera , sepse aty po ‘’fluturonin’’ telefonat e fletët me përgjigje nga një kënd në tjetrin(e këto mi treguan shokët e mi që ishin në ato klasë; fatkeq apo fatlum?! ). Si prova mund t`i paraqes përqindjet mesatare ndërmjet klasëve, ku klasa ime mesataren e arriti 54.67%, ndërsa klaset tjera duke filluar nga 70.83%,77.93%,75.28%,80.72%…

Kjo po se krijon hamendësim! Ka disa ditë që unë po hulumtoj për këtë dallim aq të madh ndërmjet klasës sime dhe të tjerave sepse kjo gjë na kushtoj shumë në vazhdimin e shkollës fillore në atë të mesme. Kështu unë mora edhe notën mesatare gjatë katër viteve te shkollës së mesme së ulët, së pari klasës sime e pastaj edhe klasës me arritshmerinë më të lartë në test .

E si rezultat pash se dallimi i notës mes klasëve nuk ishte as afër dallimit të pikëve mes klasëve(mesatarja e klasës sime gjatë katër viteve të sh.m.u : 3.86(4), dhe klases me arritshmerinë më të lartë : 4.19(4)). Kështu që si përfundim erdha definitivisht tek parregullsitë e anëtareve të komisionit në shumicën e klasëve për të mos thënë tek të gjitha. E parregullsi këto që rezultojnë në zhgënjimin e nxënësve, ne keq-kualifikim të nxënësve edhe në nxjerrje të një kuadri të dobët.

Nota ime mesatare nga klasa e parë deri në klasën e nëntë ka qenë 5.00,por unë nuk arrita që të pranohem në afatin e parë për pranimin e nxënësve në shkollën e mesme. E arsyeja nuk ishte një, po ishin dy arsye; pikët e mija më se reale,dhe pikët e të tjerëve më se joreale.

Behlul Hajdari
Sh.m.u “Abaz Ajeti” – Gjilan
Kl. IX-1