Gjilan – Afrim Mujaj përgjegjës i njësisë punuese “ Hidromorava “ në Kamenicë, ka thënë se kohëve të fundit gjendja është vështirësuar shkaku i kushteve atmosferike që po mbretërojnë këtyre ditëve me temperaturat e larta, si dhe harxhimeve të mëdha nga konsumatorët.
Mujaj u shpreh se uji i pijshëm nga konsumatorët nuk po shfrytëzohet vetëm për pije e higjienë, por harxhimet e ujit po bëhen edhe për ujitje e larje trotuaresh. “Nga data 2 korrik, kemi aplikuar reduktime në lagjen e Berivojcëve, prej orës 18-23 për shkak se kjo lagje ka edhe alternativë tjetër dhe për të bërë furnizimin proporcional me qytetarët, sidomos ata të lagjes “ Malësia” dhe “ Qamëria” tek të cilat kuotat janë më të larta” tha Mujaj
Edhe përkundër thatësisë, ne si kompani jemi duke u përpjekur maksimalisht dhe kemi prodhuar ujë më shumë se sa muajve të kaluar, mirëpo të njëjtën kohë ka mungesë ngase harxhimet janë të mëdha nga ana e qytetarëve. Ndërsa, inkasimi në komunën e Kamenicës ka oscilime, ndryshon inkasimi nga muaji në muaj, kurse shkalla e inkasimit për muajin e kaluar është afër 63 %.
Duke ju falënderuar komunës së Kamenicës është realizuar projekti për në lagjen “Malësia” , tani kjo lagje me 120 familje, furnizohet me 24 orë ujë të pijshëm tha ai. Apeloj tek të gjithë qytetarët e komunës së Kamenicës që të kursehet uji e mos të përdoret jashtë destinimit që është i paraparë”tha Mujaj./rajonipress/
