Fundamenti

Temperaturat deri në 35 gradë sot

/ 2 minuta lexim
Mobi Casa

Për të dielën parashikohet të mbajë mot me diell dhe shumë i nxehtë. Rrezik i mundshëm i dehidrimit dhe goditjes nga nxehtësia nëse qëndroni jashtë për periudha të gjata kohore.

Gradualisht pritet të kemi shtrirjen e pluhurit saharian.

Era do fryjë drejtimesh të ndryshme me shpejtësi prej 6-27 km/h.

Uji Dea

Temperaturat minimale do të lëvizin prej 15 deri në 18°C, ndërsa ato maksimale prej 31 deri në 35°C.

Disa këshilla si të mbroheni nga nxehtësia:

Qëndroni të hidratuar: Pini shumë ujë gjatë ditës. Shmangni pijet alkoolike dhe ato me kafeinë pasi mund të dehidratoheni.

  1. Shmangni diellin direkt: Qëndroni brenda gjatë orëve më të nxehta të ditës (zakonisht midis orës 11:00 dhe 16:00). Nëse duhet të dilni jashtë, qëndroni në hije sa më shumë të jetë e mundur.
  2. Vishni rroba të lehta: Zgjidhni rroba të lehta, të lirshme dhe me ngjyra të çelura për të mbajtur trupin tuaj të freskët.
  3. Përdorni ventilator dhe kondicioner: Nëse nuk keni kondicioner, përpiquni të kaloni kohë në vende publike që kanë, si qendra tregtare, bibliotekat, etj.
  4. Ftohni ambientin: Mbani perdet të mbyllura për të bllokuar diellin, dhe hapni dritaret gjatë natës për të ftohur ambientin.
  5. Përdorni ujë për të ftohur veten: Bëni dush me ujë të freskët, përdorni kompresa të lagura ose fasha të ftohta për të ulur temperaturën e trupit. /MeteoKosova/