Të hyrat në kufi, 30 milionë euro më pak se plani

Prishtinë – Doganat e Kosovës nuk do të mund t’i grumbullojnë 875 milionë eurot e planifikuara si të hyra nga tatimi i cili arkëtohet në kufi.

Ky institucion që vazhdon të ketë barrën kryesore në mbushjen e arkës së shtetit, deri me 20 nëntor ka arritur të grumbullojë 728 milionë e 734 mijë euro.

Këto të hyra janë për 8 milionë euro më të larta se të hyrat e vitit të kaluar për të njëjtën periudhë kohore, mirëpo janë afërsisht 30 milionë euro më pak se të hyrat e planifikuara për vitin 2012.(koha)