Të gjithë kundër Krasniqit

Kryetari i Kuvendit, Jakup Krasniqi e ka gojën plot “vjedhje votash”, “joligjitimetet” dhe fjalë tjera të ‘forta’ për demokracinë dhe respektimin e rregulloreve në legjislativ.

Mirëpo, si duket Krasniqi ‘po harron’ që u mblodhën ‘votat e vjedhura’ dhe e vendosën atë në krye Kuvendit. Ish-nënkryetari i AAK-së, Naim Maloku, ka thënë për “Tribuna Shqiptare”, se Jakup Krasniqi është dashur që akuzat për vjedhje votash t’i bënte menjëherë pas zgjedhjeve, e jo të pranonte të bëhej ‘kryetar i hajnave’.

Edhe Driton Selmanaj nga KDI, mendon deklaratat e Krasniqit rreth ligjshmërisë së Kuvendit të Kosovës dhe Qeverisë, është dashur të thuhen më herët, e jo të pritet kaq gjatë.