Të gjitha rrugët në Kamenicë janë të hapura, komuna apelon për kujdes nga ngricat

Kamenicë – Komuna e Kamenicës ka njoftuar qytetarët se aktualisht të gjitha rrugët në territorin e komunës janë të hapura dhe të qasshme për qarkullim normal.

Sipas njoftimit zyrtar, Drejtoria për Shërbime Publike, Ambient dhe Inspektorat ndodhet në terren me kapacitet të plotë, duke ndërmarrë të gjitha veprimet e nevojshme për parandalimin e bllokimit të rrugëve dhe për garantimin e sigurisë në qarkullim.

Nga komuna u bëhet thirrje qytetarëve që të tregojnë kujdes të shtuar gjatë lëvizjes, veçanërisht në orët e mbrëmjes dhe të mëngjesit, për shkak të rrezikut nga ngricat dhe kushtet e ulëta të temperaturave.

Autoritetet komunale theksojnë se ekipet do të vazhdojnë monitorimin e gjendjes në terren dhe do të reagojnë në kohë reale ndaj çdo situate që mund të paraqesë rrezik për qarkullimin./rajonipress/