Të dielën finalja e madhe Drita – Prishtina

Gjilan – Volejboll. Drita nga Gjilani dhe Prishtina, në konkurrencën e femrave, që nga kjo e diele do të nisin ballafaqimet e drejtpërdrejta në luftën për titull të kampionit.

Në garat e “Play-off”, Drita ka mposhtur në dy ballafaqime Kastriotin nga Ferizaj me rezultat maksimal, derisa Prishtina ka qenë më e mirë se rivali vendor Universiteti AAB Riinvest.

Dy gjigantët Drita e Prishtina do të ballafaqohen fillimisht në Gjilan, pasi Drita ka epërsinë e terrenit vendas, të cilin e ka fituar për arsye se në kampionat është radhitur në vendin e parë, bile me 11 pikë më shumë se prishtinaset, të cilat ishin të dytat.

Gjatë këtij stinori, dy ekipet rivale janë takuar gjashtë herë ndërmjet veti, dy herë në garat e kampionatit të rregullt dhe dy herë të tjera një në për Kupën e Kosovës dhe një për Superkupën Mbarëkombëtare, kurse bilanci i ballafaqimeve është i barabartë 3:3 që është një dëshmi se ndeshje e paqartë pritet edhe në ballafaqimin kryesorë të tyre.

Ballafaqimet e gjertanishme kishin sjellë këto rezultate:

Ndeshja e parë: PRISHTINA – DRITA 3:2

Ndeshja e dytë: DRITA – PRISHTINA 3:0

Ndeshja e tretë : PRISHTINA – DRITA 3:2

Ndeshja e katërtë: DRITA – PRISHTINA 3:1

Ndeshja për Kupën e Republikës: DRITA – PRISHTINA 1:3

Ndeshja në turneun Mbarëkombëtarë: PRISHTINA – DRITA 0:2

Ndeshja e parë finale mes Dritës dhe Prishtinës në garat e “Play-offit” luhet të dielën me fillim në ora 20./rajonipress/

Shpërndaje.
© RAJONIPRESS