RCCOLA

Të dashuruar deri në vdekje

/ 2 minuta lexim

Një e sëmurë terminale me kancer ndërroi jetë në krevat, përkrah bashkëshortit të saj, i cili pranoi ta shoqëronte në këtë rrugë pa kthim pasi nuk mund të përballonte dot idenë që të jetonte pa të.

Kjo histori e madhe, njëkohësisht e trishtë dashurie, përfundoi ditën e martë në faqet e para të gazetave britanike.

71-vjeçarja Maureen Read, në javët e fundit të jetës së saj për shkak të sëmundjes së pakurueshme, nuk mund të përballonte dot më dhembjet e forta dhe vendosi që t’i jepte fund vetë jetës së saj.

Mobi Casa

Megjithatë, bashkëshorti i saj, 76-vjeçari John, i dëshpëruar nga ideja se mund t’i duhej të jetonte vetëm pas 50 vjet martese, vendosi që t’i bashkohej dhe që të vdisnin të dy përkrah njëri-tjetrin në shtratin e dashurisë së tyre.

Një ditë përpara se të vdisnin, të moshuarit i kërkuan fëmijëve të tyre që t’i spostonin shtratin përpara dritares, nga e cila mund të shihnin një pamje të mrekullueshme të lumit, të qytetin e tyre në Devon.

Nëpërmjet një letre, ata i shpjegonin fëmijëve se ishin betuar që do të jetonin bashkë deri sa vdekja t’i ndante, por pas 50 viteve, kishin kuptuar se e donin aq shumë njëri-tjetrin, sa tashmë as vdekja nuk mund t’i veçonte më nga njëri-tjetri.
Të moshuarit, ndërruan jetë paqësisht, pasi morën secili një mbidozë qetësuesish në banesën e tyre.