Të bëhemi bashkë për ta rrëzuar qeverinë

Lëvizja Vetëvendosje është duke pritur përgjigje në shkresën që ua ka dërguar tri javë më parë krerëve të dy subjekteve të tjera opozitare, LDK-së e AAK-së.

Në këtë shkresë VV, i ka bërë thirrje LDK-së e AAK-së për një takim ku do të koordinoheshin veprimet për të kundërshtuar dialogun politik me Serbinë, si dhe privatizimin e disa ndërmarrjeve publike.

Koordinimi i veprimeve do të nënkuptonte aktivitete për ta rrëzuar qeverinë.

Shefi i Grupit Parlamentar të Vetëvendosjes, Visar Ymeri, në një intervistë për “Kohën Ditore”, ka shprehur pritjet për reflektim të këtyre subjekteve.
Ftesa nënkupton koordinim veprimesh brenda institucionit të Kuvendit, sikur bojkoti, apo edhe ngritja e mocionit të mosbesimit ndaj qeverisë.