Taulanti ‘kërcënon’ Granitin de Zvicrën

​Taulant Xhaka nuk i intereson nëse luan kundër vëllait të tij apo kujtdo tjetër, pasi në çdo ndeshje dëshiron fitore.
Mbrojtësi shqiptar, Taulant Xhaka, ka dhënë një intervistë për Blick.ch, ku shpreh emocionet para ndeshjes Shqipëri-Zvicër, e cila do të zhvillohet me 11 qershor.

Ai thotë se Zvicra dhe Franca janë favorite dhe kanë lojtarë më të talentuar, por kompaktësia e grupit është ajo që do i jap sukses Shqipërisë.

Taulanti po ashtu foli ehe për ndeshjen kundër vëllait të tij, Granitit, ku tha se do të jap maksimumin, por që nuk do të lëndoj atë ose ndonjë lojtar tjetër.

“Situata është shumë e vështirë. Jo vetëm për mua, por për gjithë familjen. Por, kurrë nuk do ndryshoj stilin e lojës dhe do dëshiroja që të fitonte Shqipëria. A ndeshem kundër vëllait tim ose jo, kjo nuk ka rëndësi për mua. Por normalisht nuk dua ta lëndoj as vëllain tim dhe asnjë lojtar tjetër”, tha Taulanti.

“Ne mund të fitojmë çdo kundërshtar, kjo pasi ne kemi fituar edhe kombëtare si Portugalia. Franca dhe Zvicra kanë lojtarë individualë më të mirë sesa ne, por puna në grup është më e avancuar te Shqipëria”. /Express