Talenti shqiptar nënshkruan me Brentfordin

Talenti shqiptar, Erion Zabeli është bërë me ekip të ri.

Futbollisti i deritashëm i ekipit Oxford United, i cili garon në Sky Bet League One, ka nënshkruar kontratë njëvjeçare me Brentford B, me opsion të vazhdimit të saj për një vit tjetër.

Qendërmbrojtësi shqiptar do të mundohet ta tregojë veten me ekipin e dytë të Neil MacFarlane në sezonin 2023/24, shkruan “Gazeta Express”.

Zabeli e vendosi të zezën mbi të bardhë pas periudhës impresionuese tek “Bees” në fund të sezonit të kaluar.

Mbrojtësi u shfaq në ekipin B në humbjen 0:1 nga Newcastle Under-21 në “Powerday Stadium” në muajin maj.

Ai u shpreh se për të është nder që u bashkua Brentfordit, ku do të mundohet ta japë më të mirën nga vetja.

Paraprakisht, ai i kaloi dy vjet me ekipin U-18 të Oxford.

Ai është pjesë e ekipit të të rinjve të Kombëtares shqiptare me potencial që në të ardhmen të jetë shtyllë e zemrës së mbrojtjes së Kuqezinjve. /Gazeta Express/