Ecohigjiena

Stuhia e fuqishme godet Gjilanin, era shkakton dëme në kulme, fasada dhe drunj – ekipet e shpëtimit intervenojnë gjatë natës

Stuhia e fuqishme godet Gjilanin, era shkakton dëme në kulme, fasada dhe drunj – ekipet e shpëtimit intervenojnë gjatë natës

Gjilan – Stuhia e fuqishme e erës që përfshiu Gjilanin gjatë natës së 19 dhe 20 nëntorit ka shkaktuar dëme materiale në disa pjesë të qytetit dhe në fshatrat përreth, duke vënë në lëvizje ekipet emergjente për të parandaluar rreziqet dhe për të rikthyer sigurinë në hapësirat publike.

Drejtoria për Mbrojtje dhe Shpëtim, në bashkëpunim me Njësinë Profesionale të Zjarrfikjes dhe Shpëtimit (NJPZSH), ka ndërmarrë intervenime në disa lokacione ku era e fortë ka shkaktuar dëmtime në objekte banimi, fasada dhe hapësira publike.

Në terren ka dalë edhe drejtori i kësaj drejtorie, Enver Shabani, i cili së bashku me ekipet e zjarrfikësve ka mbikëqyrur dhe koordinuar ndërhyrjet për largimin e pjesëve të rrezikshme të fasadave të shkëputura nga disa ndërtesa të banimit kolektiv. Këto intervenime kanë pasur për qëllim eliminimin e rrezikut për kalimtarët dhe parandalimin e incidenteve të mundshme.

UBT KOSOVE

Sipas raportimeve zyrtare, ndër dëmet e evidentuara është edhe dëmtimi i kulmit të një shtëpie në fshatin Livoç i Epërm, ndërsa në Lagjen e Dëshmorëve janë rrëzuar disa drunj si pasojë e erës së fuqishme.

Ekipet e zjarrfikësve kanë intervenuar për largimin e drunjve të rrëzuar nga rruga, duke mundësuar normalizimin e qarkullimit dhe eliminimin e pengesave për automjetet dhe këmbësorët.

Drejtoria për Mbrojtje dhe Shpëtim bën të ditur se, bazuar në paralajmërimet paraprake të Agjencisë Meteorologjike të Kosovës, kishte ndërmarrë masa për gatishmëri dhe reagim ndaj situatave emergjente që mund të shkaktoheshin nga kushtet e pafavorshme atmosferike.

Apel për kujdes të shtuar

Duke marrë parasysh paralajmërimet për vazhdimin e motit të paqëndrueshëm, autoritetet komunale u kanë bërë thirrje qytetarëve të tregojnë kujdes të shtuar, veçanërisht në afërsi të ndërtesave me fasada të dëmtuara, drunjve të lartë dhe elementeve të tjera që mund të shkëputen nga era.

Qytetarët gjithashtu janë ftuar që çdo situatë që paraqet rrezik për jetën, shëndetin apo pronën ta raportojnë me kohë te shërbimet përkatëse.

Drejtoria për Mbrojtje dhe Shpëtim ka bërë të ditur se do të vazhdojë monitorimin e situatës dhe do të mbajë gatishmërinë e ekipeve për intervenim në rast të paraqitjes së rreziqeve të reja.

Ndërkohë, pasojat e kësaj stuhie rikthejnë në vëmendje rëndësinë e reagimit të shpejtë të shërbimeve emergjente dhe të kujdesit qytetar gjatë fenomeneve të motit ekstrem./rajonipress/

Privatësia

Faqja jonë e internetit përdorë cookies. Ato janë skedar të vegjël që ndërveprojnë me pajisjen tuaj dhe kjo bëhet në mënyrë që ne t'ju ofrojmë përvojën më të mirë të mundshme gjatë përdorimit të faqes sonë.

Për të u informuar rreth politikave tona të privatësisë, ju lutem vizitoni faqen privatësia.

Cookiet e domosdoshëm

Cookiet e nevojshëm duhet të aktivizohet në çdo kohë në mënyrë që ne të mund të ruajmë preferencat tuaja për preferencat e cookies.

Cookies të palëve të treta

Kjo faqe interneti përdorë Google Analytics për të mbledhur informacione anonime si numri i vizitorëve në sajt dhe shfletimi i faqeve.

Mbajtja e aktivizuar e këtij cookie, na ndihmon neve të përmirësojmë faqen tonë në internet.