Talenti që po çmend Olympique Lyon dhe shumë klube të mëdha evropiane

Gjilan – Shumë fëmijë në moshën 5 vjeçare nuk e dinë ende lojën e futbollit ndërsa talenti Gjilanas Elvis Bettulat i cili jeton në Lyon të Francës kishte filluar të ushtronte zejen e futbollit.

Talenti për të cilin shumë shpejt do të dëgjohet në arenën ndërkombëtare nuk ka enigmë për këtë djalosh për të cilin shumë klube me renome evropiane kanë trokitur në dyert e tij për të qenë pjesë e këtyre klubeve.

13 vjeqari Elvis Bettulat tani për tani është pjesë e klubit të madh Francës Olympique Lyon i cili po i kalon të gjitha kategoritë e këtij klubi me hapa gjigantë.

Ky talent hapat e parë të futbollistit i ka marrë në shkollat e Olympique Lyon në FC Valux-en-Velin duke vazhduar në Olimpique Valux ndërsa tani si 13 vjeçar ju ka bashkangjitur Divizionit më të lartë të Olympique Lyon në Chassieu Decines.

“Jam i dashuruar në topin magjik të futbollit, për mua futbolli është jetë, futbolli është një pjesë e jetës sime dhe jam shumë i lumtur që kam zgjedhur zejen e futbollit”, shprehet talenti Elvis Bettulat.

Menaxherët ndërkombëtar menjëherë e kanë nuhatur këtë talent se ka një talent të jashtëzakonshëm duke ju dhënë mundësinë që t`ju bashkëngjitet klubeve të mëdha evropiane.

“Është shumë e vërtet se në çdo moment mund të shkojë në shkollat e futbollit të Crystal Palace, Queens Park Rangers, Manchester City dhe në Manchester United, por tani për tani jam shumë i fokusuar në skuadrën e Olympique Lyon të cilët janë shumë korrektë me mua”, shprehet Elvisi.

Djaloshi me origjinë nga Gjilani i cili me gjatësinë e tij prej 1.78 m, ka bërë mur të pakalueshëm për sulmuesit e skuadrave rivale për këtë ka marrë edhe nofkën “Padroni i mbrojtjes” .

“Jam i pa kompromis në mbrojtje tani për tani jam qendërmbrojtës, por mund të luaj në çdo pjesë të fushës ndërsa arma ime është këmba e djathtë dhe angazhimi në fushë për mua nuk ekziston top i humbur në fushë “, thekson talenti Elvis Bettulat.

Për 13 vjeqarin interesim ka shfaqur edhe Saint-Etienne rivali i përbetuar i Olympique Lyonit.

“Është shumë e vërtet se edhe skuadra rivale Saint-Etienne është e gatshme për mua por tani për tani dua të qëndroj në Olympique Lyon, pasi i kam të gjitha kushtet por kurrë nuk i dihet çfarë do të ndodhë në të ardhmen”, bënë të ditur Elvisi.

Talenti 13 vjeçar ka shumë ëndrra si çdo i ri por zotohet se këto ëndrra do ti bënë realitet.
“E dua lojën e Lorik Canës është inteligjent dhe është i pa kompromis me kundërshtarët ndërsa një ditë dëshiroj të jem si ish futbollisti Francez tani trajner i PSG Laurent Blanc”.

Se cilës Kombëtare të futbollit do t`i bashkëngjitet në qoftë se ka një ofertë të tillë Elvisi buzëqesh duke i rrudhur krahët,” Nuk e di ende jam i ri por do të luaj për atë Kombëtare ku krenohem më së shumti “, rrëfehet Elvisi./sylejman ismajli/rajonipress/