Talenti i Servette, Bleron Mulliqi i thotë “po” Kosovës

Futbollisti me prejardhje shqiptare nga Raushiqi i Pejës, 19 vjeqari Bleron Mulliqi, me krenari i ka thënë “po” Kombëtares së Kosovës U21 për të qenë pjesë e saj.

Mulliqi konsiderohet njëri ndër talentët e rrallë në klubin zviceran, Servette, ai tani e dy vite ushtron edhe me skuadrën e parë të Servettit, ndërsa në U-21 në këtë klub është njëri ndër më të dalluarit.

Mulliqi edhe pse ka pasur oferta që të përfaqësojë shtetin e Zvicrës, ai me shumë krenari dhe dëshirë ka deklaruar se do të jetë i gatshëm dhe do ta pranojë vetëm Kombëtaren e Kosovës.

Sot në lokalet e Federatës së Futbollit të Kosovës, Bleron Mulliqi ishte në takim me Kryetarin e FFK-së, Agim Ademi, duke u shprehë se do ta jap më të mirën për fakelen e “Dardanëve”. “Jam shumë i lumtur, e kam ëndërruar këtë ditë që ta veshi fanellën e Kosovës dhe ti mbrojë ngjyrat e Kombëtares së Kosovës. Jam shumë i lumtur dhe do të jap gjithçka nga vetja, ndërsa i falënderohem presidentit Agim Ademit i cili ma ka dhënë mundësinë që sot të jem këtu. Kur do të kem rastin, dua që “Dardanët” t`i bëjë krenar me paraqitjet e mija”, ka bërë të ditur futbollisti Bleron Mulliqi.

Shpërndaje.
© RAJONIPRESS