Takohen shqiptarët, Abrashi mesazh për Xhakën, Gashin dhe Alijin

Në një ndeshje miqësore mes Freiburgut dhe Baselit kanë luajtur plotë katër shqiptarë.Mesfushori fantastik i Kombëtares shqiptare, Amir Abrashi me skuadrën e tij Freiburg janë përballur me kampionin e Zvicrës, Baselin.

Tek kampionët e Zvicrës janë aktivizuar tre futbollistët e Kombëtares, Shkëlzen Gashin, Taulant Xhaka dhe mbrojtësi Naser Aliji, transmeton Telegrafi.

Ndeshja miqësore e zhvilluar në Spanjë ku dy ekipet po kryejnë fazën përgatitore ka përfunduar pa fitues 1:1, por pa arritur ndonjëri nga shqiptarët të shënoi gol.

Ndërkohë gjakovari Amir Abrahi, ka postuar disa foto në faqen e tij zyrtare në Facebook.

“Ndeshje e bukur miqësore ndaj Baselit 1:1. I lumtur që u takova me shokët e Kombëtares, Taulant Xhakë, Shkëlzen Gashin dhe Naser Alijij”, shkroi Abrashi. /Telegrafi/