Takimi i shkurtër i Kurtit e Ramës në Qeveri, detaje nga marrëveshja që u nënshkrua

Kryeministri Albin Kurti dhe kryeministri shqiptar Edi Rama në emër të qeverive respektive nënshkruan sot Marrëveshje të Bashkëpunimit ndërmjet Kosovës dhe Shqipërisë për organizimin e Lojërave Mesdhetare 2030.

Si tha Zyra e Kryeministrit me këtë marrëveshje mundësohet organizimi i sportit të lundrimit në Durrës të Republikës së Shqipërisë dhe njëherësh zyrtarizon Durrësin si një nga qytetet mikpritëse të Lojërave Mesdhetare 2030.

“Lojërat Mesdhetare Prishtina 2030 do jenë ngjarja më e madhe sportive në histori të vendit, që përmes investimeve do të kontribuojë drejtpërdrejt në përmirësimin dhe avancimin e infrastrukturës sportive kurse përmes mikpritjes në përfaqësimin dhe promovimin ndërkombëtar të republikës sonë”, thuhet në njoftim.

Kjo marrëveshje erdhi pas mbledhjes së përbashkët të dy kuvendeve të dy shteteve sot në Prishtinë./Express/