Synimi i madh

Nga Arben Kurteshi – Idealin, vizionin e vullnetin tonë për arritje, s’mundi ta ndryshojë as ta ndalë, as një fuqi nga jashtë. Përpjekjet u arritën e dëshira u plotësua me arritjen e lirisë. Arritja e lirisë ishte rezultat i fuqisë së mendësisë, synimit, sakrificave, përpjekjeve dhe vendosmërisë së palëkundur në përmbushjen e dëshirës tonë të zjarrtë për LIRI.

Në dy dekadat e fundit, humbësit e pushtetit argumentojnë se vendi përparojë shumë, derisa fituesit e pohojnë të kundërtën, vendi dështojë shumë.

Këto janë pikëpamjet nga dy këndvështrime të ndryshme e që nuk qëndrojnë; as nga humbësit e as nga fituesit; sepse kemi dhe pikëpamjen e këndvështrimit të tretë, që nuk kanë aftësi ta shohin asnjëra palë, përmes syzeve pushtetare.

Janë bërë arritje në ndërtimin e godinave të bukura shkollore, argumentojnë humbësit; dhe pikërisht në brendësi të këtyre godinave cilësia e të arriturave arsimore pranohet kryesisht për punësim në punë krahu nëpër vendet perëndimore; e cila përshkruan dhe u jep të drejt argumenteve të fituesve të fundit, që thonë nuk u arrit gjë në vend.

Rrethanat e krijuara në arsimin tonë nuk janë gjë tjetër pos një pasqyrë që tregon se çka është mbjellur dhe kultivuar deri sot❗️Moszgjidhja e mosmarrëveshjes me sindikatat nga ana shtetërore, gjatë gati tre muajve të verës, e tërheq edhe vet shtetin zvarrë dhe e bën pjesë të problemit.

MËSIMI DUHET TË FILLOJË.

Është ndërtuar aeroporti i bukur modern me standarde gati evropiane çka përshkruan bukur argumentet për arritje të humbësve; por mu nga ky aeroport ikin me të madhe 20’000-30’000 të rinjë kryesisht për punë krahu në perëndim, në mungesë të vendeve të reja pune dhe që përshkruan shumë bukur argumentin e fituesve të fundit; se nuk është arritur gjë nëse ik pjesa më vitale më e ndjeshme dhe vendimtare e popullit, dhe që është indikatori kryesorë për zhvillimin e vendit E tjera….!

Pra, vendi është zhvilluar aq shumë, saqë mbesim të radhitur në fundin e listës së vendeve të kontinentit më të pasur në botë Evropën.

-Pse ne e arritëm të paarritshmen lirinë; dhe nuk mund ta arrimë të arritshmen zhvillimin ekonomik.

Sepse ideali i zemrës dhe vizioni i mendjes së pushtetarëve të derisotëm është emëruesi i përbashkët, që nuk lidhet drejtpërdrejt me arritjen e zhvillimit; por se synimi i kryesorë drejt arritjes është PUSHTETI.

Pra, pushteti është qëllimi i parë dhe ideali e vizioni i kryesorë e drejtpërdrejt në arritje❗️ Zemra nuk njeh rrugë tjera pos asaj direkte.

Lirinë e arritëm sepse liria ishte para së gjithave dhe mbi të gjitha, ideali i zemrës dhe vizioni i mendjeve të të gjithë shqiptarëve ishte i lidhur direkt me synimin dhe arritjen e lirisë. Jo indirekt dhe përmes pushteteve.

Nuk ka fuqi që mund ti përballojë dhe ta ndalë synimin e drejtpërdrejt të idealit të zemrës drejt arritjes; sepse fuqia e lidhshmërisë direkte e idealit të zemrës dhe vizionit të mendjes është mbi të gjitha.

Derisa synimi i parë është arritja e pushtetit dhe më pas zhvillimi, arritja është shumë më e ngadalshme më e zbehtë dhe ndoshta e paarritshme.

Vetëm udhërrëfyes dhe liderë që kanë ideal zemre dhe vizion mendje të përbashkët me popullin, e që synimi kryesorë e direkt është zhvillimi i vendit dhe jo pushteti; dhe që ideali i zemrës dhe vizionin e mendjes, përpjekjet, sakrificat e vendosshmërinë e palëkundur e kanë në harmoni me synimin për arritje; mund të bën fuqinë e nevojshme për zhvillimin e shpejt të vendit në nivel evropian e përtej./rajonipress/

Shpërndaje.
© RAJONIPRESS