Surprizë për adhuruesit

Këngëtarja seksi, Zajmina Vasjari është duke përgatitur befasi për adhuruesit e saj.

Në realitet bëhet fjalë për një projekt të ri muzikor të realizuar bashkë edhe me videoklip. “Jam në përgatitje të një projekti të ri muzikor, në momentin kur çdo gjë të jetë gati atëherë do të flas në opinion.

Por megjithatë besoj se kjo do të jetë edhe një surprizë për adhuruesit e mi kudo që janë”, ka thënë ajo për “Zëri”. Zajmina tani përveç se do të sjellë këngë dhe klipe të reja, ajo në këtë sezon po sjell mjaft atmosferë tek adhuruesit e saj.

Mbrëmjet e saj muzikore janë të shumta si në Kosovë, Shqipëri e Maqedoni ashtu edhe në diasporë. Ndërkaq sa i përket pushimit veror, ende nuk e ka caktuar se ku do t’i kaloj pushimet.